Нурлат районы ГХАТ бүлегендә 200 нче сабыйны теркәделәр

2021 елның 6 августы, җомга

Нурлат муниципаль районы ГХАТ бүлегендә шушы көннәрдә 200-нче сабый теркәлде.

Туу турында юбилей таныклыгына Вадим ия булды. Малай нурлатлылар Сергей һәм Елена Чупровлар гаиләсендә туган.

ГХАТ бүлеге хезмәткәрләре бәхетле әти-әнине уллары туу белән котлады һәм аларга бәхетле гаилә тормышы теләде.