Нурлат районында индивидуаль җылытыла торган социаль ипотека йорты яшәүчеләрне кабул итәргә әзер

Хәзерге вакытта безнең инвестицияләр хисабына Нурлат районында шәхси җылытыла торган тагын ике йорт төзелә.

ТР Президенты каршындагы Дәүләт торак фондыннан Нурлат муниципаль районының Урта Камышлы авылында 27 фатирлы йорт файдалануга тапшыруга рөхсәт алды. Александр Волков ур., 1А адресы буенча салынган яңа йортта (5нче төзелеш позициясе) социаль ипотека программасында катнашучылар – «Татнефть» компаниясе төркеме хезмәткәрләре яшәячәк.

Өч подъездлы йорт 3 торак каттан тора, фатирларның гомуми мәйданы (шуларның икебүлмәлеләре - 18 һәм өчбүлмәлеләре - 9) 1,8 мең кв.м тәшкил итә. Барлык фатирлар да яшәү өчен тулысынча әзер, ике контурлы газ казаннары, сантехника, газ плитәләре, янгын сигнализациясе датчиклары, су, газ, электр энергиясен исәпкә алу исәпләгечләре һәм автомат газ анализаторлары белән җиһазландырылган.

«Хәзерге вакытта безнең инвестицияләр исәбенә Нурлат районында индивидуаль җылыту белән тагын ике йорт төзелә. Аларда барлыгы 54 фатир булачак. Ике объект та Урта Камышлы авылында урнашкан. Аларны файдалануга тапшыру 2021 ел ахырына кадәр планлаштырыла, - дип сөйли Дәүләт торак фонды башкарма директоры Марат Зарипов.

Исегезгә төшерәбез, 2021 елда Татарстан Республикасы Президенты каршындагы Дәүләт торак фондының инвестиция программасы Татарстан шәһәрләрендә һәм районнарында гомуми мәйданы 280 мең кв. м булган 5159 фатирлы 161 йорт төзүне күздә тота.