Нурлат районы башлыгы «Сөләйманов Ә.И.» крестьян-фермер хуҗалыгында кырларны сугаруның барышы белән танышты
Бу хуҗалыкта сугару системасы азык культуралары кырларында кулланыла.
Нурлат районы территориясендә урнашкан корылыкка карамастан, Биккол авылы янында үскән ашлык кукурузы июль урталарында ук кешедән дә биегрәк булып үскән. Мондый нәтиҗәнең сере гади – биредә басуларны сугару өчен мелиорация системасы кулланыла.
«Сөләйманов Ә.И.» хуҗалыгы – районда кырларны сугару системасын куллана торган бердәнбер хуҗалык. Узган елларда су сибү бәрәңге өчен кулланылса, быел 240 гектарда кукуруз басуларында кулланыла. Җәй башыннан бирле басуларда 8 су сибү агрегаты – 5 әйләнмә һәм 3 барабан эшли. Эшләү тәртибе иртәнге 7дән кичке 7гә кадәр оештырылган.
Шушы көннәрдә Нурлат муниципаль районы башлыгы Алмаз Әхмәтшин хуҗалыкта мелиорация эшләрен оештыру белән танышты. Алмаз Сәлимович билгеләп үткәнчә, сугару системасы быелгы корылыклы җәйдә дә яхшы нәтиҗә күрсәткән һәм мелиорация буенча «Сөләйманов Ә.И.» хуҗалыгы тәҗрибәсен башка хуҗалыкларда да таратырга тәкъдим иткән.