Нурлат районының Чулпан авылында төрле урамнарда энергия саклаучы фонарьлар алыштырылды

2021 елның 17 июле, шимбә

Чулпанда 2021 елда үзара салым программасы кысаларында эшләр башланды – акчаның бер өлешенә төрле урамнарда 26 энергия саклаучы фонарь алмаштырылды. Бу яктан республика программасы да ярдәмгә килә.

Урам утларын торгызу программасы кысаларында Үзәк һәм Бакча урамнарында 5 яңа фонарь урнаштырылды. Алар социаль-мәдәни учреждениеләр территорияләрен һәм авылның караңгы почмакларын яктырталар. Үзара салым акчасының калган өлешен урам юлларын төзекләндерүгә юнәлдерәчәкләр. Алар хисабына Мәктәп урамында 410, рус зиратына кадәр 130 метр юл төзү планлаштырыла.