Нурлатлыларның беренче үтенече үтәлә башлады
Шикәрчеләр микрорайонының спорт стадионын зур үзгәрешләр көтә. Биредә башта үткәрергә планлаштырылган капиталь ремонт урынына яңа заманча стадион төзеләчәк.
Әлеге объектны реконструкцияләү 28 нче Түбән Кама сайлау округы буенча Россия Дәүләт Думасы депутаты итеп сайлаганнан соң Олег Морозовка беренче наказ булды. Куелган бурычның барлык нечкәлекләрен өйрәнеп, ул республика Президентына мөрәҗәгать итте һәм аның хуплавын алды.
«Хәзер проект-смета документларын килештерү этабы бара. Биредә сүз реконструкция турында түгел, ә керү төркеме, чишенү бүлмәләре, трибуналар, административ корпус булган яңа стадион төзелеше турында бара», - дип билгеләп үтте Олег Викторович бүген, 8 июльдә, шәһәр мәдәният сараеның кече залында узган Нурлат районында яшәүчеләр белән очрашу барышында.
Депутат соңгы 9 ай дәвамында Дәүләт Думасында эшчәнлеге белән таныштырды, эштәге төп өстенлекләрне билгеләде, нурлатлыларның яңа наказын кабул итте. Ул районның сәламәтлек саклау системасын йөрәк-кан тамырлары авыруларын диагностикалау өчен кирәкле җиһазлар белән тәэмин итүгә кагыла.
"Олег Викторович-үз сүзендә торучы кеше", – дип хуплады район башлыгы урынбасары Линар Маняпов депутатның үз сайлаучыларының үтенечләрен һәрчак игътибарсыз калдырмавын.