Нурлатлылар республика конкурсында җиңүчеләр унлыгына керде

2021 елның 6 июле, сишәмбе

Республика конкурсына ТР 2 шәһәр округының 43 муниципаль берәмлегеннән барлыгы 50 эш тәкъдим ителде.

Татарстанда «2020/2021 уку елы йомгаклары буенча иң яхшы ЮИД отряды һәм иң яхшы җитәкче» республика конкурсына йомгак ясалды.

Әйтик, «Иң яхшы ЮИД отряды» номинациясендә 2020/2021 ел нәтиҗәләре буенча Нурлат районының Иске Чаллы урта мәктәбе җиңүче булды, юидлылар 32 балл җыйдылар һәм 10 җиңүче арасында 5 урынны яуладылар. Ә җитәкчеләр арасында конкурс номинациясендә Нурлат районының Иске Чаллы урта мәктәбе укытучысы Людмила Герасимова җиңү яулады, ул 19 балл җыйды һәм рейтингта 6 нчы урынны алды.