Нурлатта барлык чор журналистларына стелага нигез салынды
Нурлатта тарихи вакыйга - «Дуслык» («Дружба», «Туслах») район газетасының беренче саны чыгуга 90 ел тулу уңаеннан бүген «Дуслык» скверында (анда элек журналистлар аллеясы утыртылган иде) барлык чор журналистларына стелага нигез салынды.
Бу истәлекле вакыйга уңаеннан журналистлар, матбугат ветераннарын Нурлат муниципаль районы Башкарма комитеты җитәкчесенең социаль мәсьәләләр буенча урынбасары Ләйсән Нәфыйгина котлады.
"Төрле тарихи вакыйгаларга да карамастан, район газетасы үз статусын, районыбыз тарихын, халык хезмәтен матур итеп тасвирлау үзенчәлеген саклап кала», - дип билгеләп үтте ул, җыелучыларны котлап. Матбугат ветераннары исеменнән Татарстан Республикасының атказанган мәдәният хезмәткәре Сәкинә Хәйруллина чыгыш ясады. Ул район газетасы коллективының берничә юбилей альбомы төзүен, китаплар чыгаруын, аллеялар төзүе кебек матур традицияләрен билгеләп үтте.
"Гадәттә һәйкәлләрне һәлак булган журналистлар, хәрби корреспондентлар хөрмәтенә генә куялар. Ә бүген шундый матур вакыйга-хәзерге төрле елларда хезмәт куйган барлык журналистларга да һәйкәл нигезе салу вакыйгасы», - диде ул, баш мөхәррир-«ТАТМЕДИА» АҖ филиалы «Нурлат-информ» җитәкчесе Резеда Гиняеваның, фикердәшләренең, мондый изге ниятне тормышка ашыру өчен үз көчләрен куйган хезмәтен билгеләп үтте. «Ел башында, коллектив белән район газетасының 90 еллыгына багышланган чараларны планлаштырганда, барлык журналистларга һәйкәл төзергә кирәк дигән карарга килдек. Чөнки Татарстан Республикасында әлегә мондый һәйкәл юк, ә журналистлар моңа бик лаек. Бу идеяне Нурлат районы башлыгы Алмаз Сәлим улы Әхмәтшин да, «ТАТМЕДИА» АҖ генераль директоры Шамил Мөхәммәт улы Садыйков та хуплады. Стела иганәчелек чаралары хисабына төзеләчәк. Берничә елдан соң бу медиа – паркта яфраклары белән утырткан миләшләребез шаулар, ә стела нурлатлыларның җәлеп итү урынына әверелер дип ышанам», - диде Резеда Гиняева.