Нурлатта шахмат буенча Кубок иясе Сергей Анисимов булды

2021 елның 28 июне, дүшәмбе

Традиция буенча кубок Нурлат районы чемпионаты йомгаклары буенча уйнатыла.

Нурлат шәһәренең шахмат-шашка клубында шахмат буенча Кубок өчен көрәш тәмамланды, анда 38 нче чемпионат нәтиҗәләре буенча 8 иң яхшы шахматчы катнашты.

Быел ул 23 нче тапкыр уйналды һәм аның иясе Нурлатның иң тәҗрибәле шахматчыларыннан берсе Сергей Александрович Анисимов булды. Финалда ул бу сезон чемпионатында җиңүче Владислав Герасимовны җиңде.

Традиция буенча, җиңүче исеме Кубокның үзенә уелып язылачак.