Иске Чаллы халкы коронавирустан прививка ясаттылар
Вакцинация яңа инфекциягә каршы көрәштә бәхәссез ышанычлы корал булды. Бу поликлиниканың прививка кабинеты янында прививка ясарга теләүчеләрнең чиратлары һәм табиб-шәфкать туташлары прививка бригадаларының авылларга даими барып торуы белән дә аңлатыла. Соңгысына килгәндә, биредә авыл халкының инициативалылыгын һәм активлыгын билгеләп үтәргә кирәк. Иске Чаллы авыл җирлегендә вакцинацияләнергә тиешле 550 ләп кеше яши, ягъни, 18 яше тулган кешеләр. Аларның 140тан артыгы бу иске чаллылылар гына түгел, Түбән һәм Урта Чаллыда яшәүчеләр дә, коронавирус инфекциясенә каршы прививка ясаганнар. Авыл халкының бер-берсе каршында гражданлык җаваплылыгы турында без Нурлат район хастаханәсенең эпидемиология мәсьәләләре буенча баш табибы урынбасары Татьяна Соренковадан белдек, авыл халкының прививка кампаниясенә ничек караулары белән кызыксындык.
-Сезнең фикерегезчә, көненә 30дан артык прививка күпме әллә азмы?
-Минемчә, аз түгел.
-Ә менә Иске Чаллы җирлегендә 4 июньдә шуның кадәр кеше прививка ясаткан да инде. Баш табиб урынбасары белән мондый кыска сөйләшү бу җирлектә вакциналаштыру темасына сөйләшүне дәвам итү өчен сәбәп булды.
-Безнең табиб амбулаториясенең гомуми практика табибы Валентина Павловна Клементьева белән шалтыратыштык һәм барып прививка ясау көнен оештырырга булдык, - диде Иске Чаллы авыл җирлеге башлыгы Иван Захаров. - Валентина Павловна теләк белдерүчеләр исемлеген төзеде, аннары район хастаханәсе белән килешенде. Икенче көнне иртән җирлек башлыгы врачлар бригадасын башта Иске Чаллыга алып килде, халык бу вакытка ук җыелды, аннары Түбән Чаллыга. Беренче вакцинацияне шулай үткәрделәр, ә 4 июньдә шулай ук кабат җыелдылар. Прививка алырга яңа теләүчеләр дә булды, һәм аларга да прививка ясалды. Моннан тыш, авыл кешеләре үзләре дә поликлиникага актив баралар.
-Мондый авыру булса, үзеңне һәм якыннарыңны саклау өчен вакциналаштырырга кирәк, - ди Иван Николаевич. – Ә авыл халкын үгетләргә туры килмәде. Сәламәтлеген кайгырткан кеше ул бара һәм вакциналаштырыла, әлбәттә, аның туганнары да шулай ук.
Коронавирус ситуациясенә гомумән алганда, Иске Чаллы халкы җитди караган. Җирлек башлыгы сүзләренә караганда, бу төр авыру белән авыручылар, башка җирлекләр белән чагыштырганда, бик күп булмаган, үлем очраклары да булмаган.
- Кулланучылар хокукларын яклау һәм кеше иминлеге өлкәсендә күзәтчелек федераль хезмәте кушканча, барысын да үтәдек: социаль дистанцияне дә сакладык, битлекләрдән, перчаткалардан йөрдек. Җәмәгать урыннарында хәзер дә барысы да битлекләрдән генә йөри, – дип дәвам итте ул. - 2020 елда массакүләм чаралар оештырылмады, ә үткәргәннәрендә исә, аз кеше белән генә. Әйтик, 9 май көнне венокларны депутат белән икәү куйдык, Троицада ике кыз гына авыл урамнары буйлап каен күтәреп барды, бу традицияне бозмас өчен, әбиләр җыелмады, ә һәрберсе үз өе янында җырлады, алар әзерләнделәр ич. Эпидемиягә каршы чаралар катгый үтәлде, махсус режим бозылмады. Ә бүген актив рәвештә прививкалар ясала.