Нурлат Сабан туеннан әтәчне Ульяновск өлкәсе кешесе алып китте

2021 елның 12 июне, шимбә

Азат Мингалиев 12 метр биеклектәге баганага 41 секунд эчендә менде. Сабан туеның иң якты тамашаларыннан берсе 12 метрлы биеклектән әтәч өчен көрәш булды. Күп кенә нурлатлылар һәм Сабан туе кунаклары биредә үз көчләрен сынап карадылар, ләкин иң җитезсе - Ульяновск өлкәсеннән килгән Азат Мингалиев булып чыкты. "Багана башына инде балачактан ук менгәнем юк. Түзмәдем, үземне сынап карарга булдым. Һәм менә уңыш нәкъ менә миңа елмайды. Нурлат Сабан туенда беренче тапкыр катнашам. Миңа барысы да ошады", - диде ул.

Элегрәк, "Нурлат-информ" Нурлат Сабан туеның күп кенә яңалыкларны үз эченә алуы һәм Нурлатта халык бәйрәме уздырылу уңаеннан зур фоторепортаж бастыруы турында язган иде.