Нурлатлылар коронавируска каршы вакцинация ясау кампаниясенә актив кушылды
Бу көннәрдә сырхауханәнең популяр кабинетларының берсе, әлбәттә, прививка ясау кабинеты.
Социаль хезмәт хезмәткәрләренең эш көннәре, нигездә, өлкән буын кешеләре белән турыдан-туры аралашуга бәйле. Бу хезмәт кешеләре - авырулар йоктыру куркынычы янаган төркемнән. Шул яңа коронавирус инфекциясенә каршы вакцинация ясатуга хәлиткеч этәргеч булды - хәзерге вакытта социаль яклау бүлеге хезмәткәрләренең 90 проценты диярлек прививка ясатты.
Вакцинация - яңа инфекциягә каршы тору өчен бердәнбер мөмкинлек. Ә безнең эш нигездә өлкәннәр белән бәйле. Шуңа күрә белгечләр һәм социаль хезмәткәрләр коллектив рәвештә прививка ясатырга булдылар, - диде социаль яклау бүлеге җитәкчесе Оксана Терентьева.
Чараның мөһимлеге турында без аның белән нәкъ менә прививкалар ясау кабинеты янында сөйләштек.
-Поликлиникага коллектив рәвештә килергә карар кылгач, барысы да прививканы шул ук көнне ясый алмадылар. Аннары берәм-берәм барып ясаттык, кемдер хәтта шимбә көнне дә барды.
Сәламәтлек кампаниясе дәвам итә.
Нурлат үзәк хастаханәсе баш табибы Айдар Сәгъдиев сүзләренә караганда, анда 4200дән артык кеше катнашкан. Вакциация башланганнан бирле безнең районга 4600 доза вакцина килде, киләсе партиянең кайтуын көтәбез, - диде ул.
Исегезгә төшерәбез,түләүсез вакцинаны табиб-терапевт кабул иткәннән соң, кире йогынтысы булуга күрсәтмәләре булмаган һәр балигъ булган кеше ала ала. Үзең белән паспорт, полис, амбулатория картасы булырга тиеш.