Нурлат районында имам-мөхтәсибне сайладылар

2021 елның 28 мае, җомга

Әхмәдзәки хәзрәт Сафиуллин исемендәге Тәгълим үзәгендә районның дин әһелләренең зур җыелышы булып узды. Татарстан Республикасы мөфтие Камил хәзрәт Сәмигуллин тәкъдиме белән икенче срокка хәзерге имам-мөхтәсиб Наил хәзрәт Әбелханов сайланды. Җыелышта Нурлат мөхтәсибәтенең соңгы дүрт елдагы казанышлары, киләчәккә планнары турында сөйләштеләр.