Нурлат районында балаларны көнкүреш калдыкларын аерым җыярга өйрәтә башлыйлар
«Гринта» ТК белән эш итү буенча региональ оператор 5-10 яшьлек балалар өчен калдыклар белән эш итү темасына уку әсбабы чыгарды. Басма Россия Табигать министрлыгы ярдәме белән «РФдә калдыклар белән климатик нейтраль эш итү» Россия-Германия проектын тормышка ашыру кысаларында Татарстан Республикасы балалар бакчаларында һәм мәктәпләрендә дәресләр үткәрү өчен нигез басма булачак.
«Әйләнә-тирәлеккә сак караш культурасын иң яшь яшьтән үк үстерү җиңелрәк. Өлкәннәргә яшәү рәвешен үзгәртү һәрвакыт авыррак. Нәкъ менә шуңа күрә “ГРИНТА" инде өченче ел Татарстанның көнчыгыш зонасындагы белем бирү учреждениеләрендә ачык ЭКОдәресләр үткәрә. Безнең компания белгечләре балаларны уен формасында көнкүреш калдыклар белән эш итү кагыйдәләренә һәм дөрес куллану мөһимлегенә өйрәтәләр, - дип билгеләп үтте “ГРИНТА" ҖЧҖ генераль директоры Светлана Ярлыченко.
Уку әсбабының эш дәфтәре форматы бар, аның ярдәмендә укучылар күп кенә кызыклы нәрсәләр белә генә түгел, булган белемнәрне тикшерү өчен тест биремнәрен дә үтиләр. Төп темалар: калдыкларны сортларга аеру, икенчел чимал куллану, чүп эшкәртү. Кайбер бүлекләр уеннар һәм уку мультфильмнарына һәм видеороликларына сылтамалар белән тулыландырылган.
Яңа уку пособиеләре буенча дәресләр "Экологик сәясәт һәм мәдәният үзәге" гомумроссия иҗтимагый оешмасы белән берлектә узачак. Интерактив дәресләр «Гринта» хезмәт күрсәтүче Татарстанның һәр 23 районында узачак.
«Гринта» ҖЧҖ матбугат хезмәте каты көнкүреш калдыклары белән эш итү буенча төбәк операторы матбугат хезмәте