Нурлат гимнасткасы башкала спортчысына беренчелекне бирмәде
Нурлатның «Омтылыш» нәфис гимнастика студиясендә тәрбияләнүчеләр Мәскәүдән призлы урыннар белән кайттылар, анда алар «Язгы йолдызчыклар» ачык беренчелеге ярышларында катнаштылар. Кызлар шәхси зачетта бик яхшы нәтиҗәләр күрсәттеләр. Эмилия Сәгъдиева пьедесталның беренче баскычында котлаулар кабул итте. Самина Хәбибрахманова, Таирә Бакирова һәм Диана Галәветдинова ярышларның бронза призерлары булдылар. Алар барысы да Мәскәү һәм Мәскәү өлкәсенең көчле гимнастлары белән төрле яшь категорияләрендә көч сынашты. Дулкынлансалар да, бик тырыштылар.
- Һәр кызның яхшы нәтиҗәләргә, үз өстеңдә эшләргә, гимнастик элементларны төгәл үтәргә омтылуын күрүе куандыра,бу мине, тренер буларак, эштә яңа үрләргә рухландыра да. Урыннар һәм медальләр түгел, ә нәкъ менә кызларның үз осталыкларында ирешкән шатлыгын күрү мөһим, – дип билгеләп үтә спортчыларның тренеры Зифа Сәгъдиева.
Башкала турнирында җиңү гимнасткалар өчен уку елы тәмамлануга менә дигән бүләк булды. Ул аларның зур иҗади һәм ярышлар потенциалы турында сөйли.