Нурлат халкы Зәйдә мини-футбол буенча зона ярышларында катнаша

2021 елның 15 мае, шимбә

Ярышлар Татарстан Республикасында «Сәламәтлек» XVIII авыл спартакиадасы һәм «Авыл яшьләре» җәйге авыл спорт уеннары спартакиадасы кысаларында уза.

Бу көннәрдә Нурлат районы авыл яшьләре җыелма командасы Зәй шәһәрендә мини-футбол буенча зона ярышларында катнаша. Команда составында - Егоркино, Урта Камышла һәм Чулпан авылы халкы. Кичә егетләр ике очрашу уздырдылар, бүген аларга республика районнарыннан тагын ике команда белән уйнарга туры киләчәк.