Җирле рәссам Нурлат районында яшәүчеләргә ярдәм сорап мөрәҗәгать итә
Район газетасы редакциясенә якташларыбызга матур үтенеч белән җирле рәссам Сергей Коновалов мөрәҗәгать итте. "Минем күптән башланган, әмма бүгенге көнгә кадәр ахырына кадәр тәмамланмаган, Нурлатта фронт елларында эшләгән хәрби завод темасына картинам бар. Монда реактив артиллерия өчен снарядлар, легендар «Катюша»лар чыгарыла. Бөтен сәбәбе - бу объект буенча мәгълүмат булмау, шаһитлар да калмады диярлек. Озак вакытлар картина үз сәгатен түземлелек белән көтте. Күптән түгел ул янә минем игътибарымны үз җәлеп итте. Эшне тәмамлау өчен конкрет детальләр җитми. Ә нәкъ менә нинди продукция чыгарылган, эшчеләр ничек киенгән, капкалар нинди булган, үткәргеч чыбыклар каян үткән, җылылык торбалары нинди кыяфәттә булган. Барысы да мөһим», – дип билгеләп үтте Сергей Николаевич. "Бергә искә төшерик әле. Бәлки әле бу заводта эшләгән кешеләр дә исәндер. Алар продукциянең нинди вагоннарга төялеп озатылуын, керү юллары ничек урнашкан булуын, завод территориясенә паровоз килү-килмәвен яки снарядларны аннан машинага алып чыкканнармы икәнен төгәл беләсе иде...», – дип чакыра рәссам.
Сергей Коноваловның картинасы Җиңүгә лаеклы өлеш керткән туган шәһәребезнең сугыш чоры вакыйгаларының документаль чагылышы булачак.
Нурлаттагы завод бөтен сугыш дәвамында эшләгән. Шушы вакыт эчендә бер генә минутка да станоклар туктап басып тормаган. Ә бит алар артында, нигездә, хатын-кызлар һәм яшүсмерләр эшләгән. Цехта 50 дән артык станок булган, алар 4 рәт булып тезелеп торган. Снарядлар өчен материал - чуен, авыр, станокка аларны икәүләп күтәрәләр. Ә норма көн саен сменага 20дән 45кә кадәр арта, ул кайвакыт төшке ашка бераз тәнәфес белән 16 сәгатькә кадәр дәвам итә.
Каһарман уллары Бөек Ватан сугышының барлык фронтларында дошманны батырларча тар-мар иткәндә, гап - гади кечкенә генә Нурлатта менә шул рәвешле Җиңүне якынайтуга зур өлеш кертелә.