Алмаз Әхмәтшин Изге Пасха бәйрәме белән котлый

2021 елның 2 мае, якшәмбе

Кадерле нурлатлылар, сезне изге Пасха бәйрәме белән котлыйм!

Барлык православие динен тотучылар өчен елның иң бөек көне - Гайсәнең Яңадан туу бәйрәме - Пасха җитте. Ул чиркәүләрдә тантаналы җырлар, чиркәү кыңгыраулары чыңлавы, хуш исле куличлар исе белән килә, яңа тормыш торгызуны гәүдәләндерүче беренче яшь яфраклар белән килә. Яз табигатькә генә түгел, йөрәкләребезгә дә яшәрү алып килсен. Бу бәйрәм көнендә чын күңелдән игелек, сәламәтлек, тынычлык һәм иминлек телим. Көн саен сезнең йортыгыз җылылык, бәхет, уңыш белән тулып торсын. Бер-берегезгә игътибар һәм кайгыртучанлык, мәхәббәт һәм тугрылык бүләк итегез.

Изге Пасха бәйрәме белән!

Алмаз Әхмәтшин, Нурлат муниципаль районы һәм Нурлат шәһәре башлыгы