Габдулла Тукайның 135 еллыгын һәм туган тел көнен бәйрәм итү Нурлат Мәдәният Сараенда дәвам итте
Биредә «Туган телем – Тукай теле» дип исемләнгән тантаналы чара узды.
Габдулла Тукай әсәрләре геройлары, мәдәният бүлеге игълан иткән конкурста катнашучы мәктәп укучыларының һәм балалар бакчаларында тәрбияләнүчеләрнең эшләре күргәзмәсе, Нурлатның Мәдәният йорты фойесында каршы алды.
Бөтендөнья татар конгрессының җирле бүлеге «Тукай геройлары - бер сәхнәдә» дигән театральләштерелгән тамаша әзерләде. Биредә Шүрәле, Су анасы һәм Габдулла Тукайның балалар өчен иҗат иткән башка шигырьләре персонажларын, хәтта кечкенә Апушны да күрергә була иде.
Талантлы мәктәп укучылары, балалар бакчалары, "Сәләт" балалар сәнгать мәктәбендә шөгыльләнүчеләр, җирле талантлар белән әзерләнгән кызыклы әдәби-музыкаль программа сәхнәдә дә дәвам итте – Габдулла Тукай шигырьләренә язылган җырлар, шигырьләр, татар көйләре яңгырады. Яшь тамашачыларга театральләштерелгән тамашалар да бик ошады, анда яшь артистлар югары осталык һәм талантларын күрсәтте. Биредә алар бөек шагыйрьнең тормыш юлы һәм иҗаты белән таныштырды.
Чарада Нурлат муниципаль районы башлыгы Алмаз Әхмәтшинның катнашуы да чарага аерым тантаналык төсе өстәде.
Ул яшь тамашачыларга районда төрле халыкларның мәдәни һәм милли традицияләрен саклау максатыннан алып барылган эшчәнлек турында сөйләде, балаларны туган телләрен кадерләргә, Габдулла Тукай иҗатын хөрмәт итәргә чакырды.
Тел, мәдәнияткә, гореф-гадәтләр һәм халык мәгарифе үсешенә зур өлеш керткәннәре өчен Алмаз Сәлим улы Туган тел укытучылары Гөлия Шәйхетдиновага, Рәмзия Галиуллинага һәм Роза Сафинага Мактау грамоталары тапшырды. Чара Габдулла Тукайның "Туган тел" шигыренә язылган, бөтен татар халкының рәсми булмаган гимнына әверелгән җырны күмәк башкару белән тәмамланды.