Мамык мәктәбендә академик Евгений Грунис исемендәге конференция узды
Бу шимбәдә Мамык мәктәбе Нурлат районының сәләтле һәм талантлы укучылары өчен үз ишекләрен ачты.
Биредә профессор, геологик-минералогия фәннәре докторы, белемнәргә һәм зур ачышларга юлны Мамык авылы мәктәбендә башлаган Россия Фәннәре академигы Евгений Грунис исемендәге III ачык фәнни-гамәли конференция узды.
7 секция эше оештырылды, анда 9 номинация буенча 1-11 сыйныфларда укучы 75 укучы үз проектларын яклады.
Конференция дусларча атмосферада узды, бигрәк тә оештыручылар һәм жюри әгъзаларының үз эшләренә һөнәри якын килеп башкаруларын билгеләп үтәсе килә. Барлык катнашучылар да мактау сүзләренә лаек, һәрберсе мәгълүмати һәм эчтәлекле проектлар әзерләгәннәр.
Педагогларга җиңүчеләрне билгеләгәндә бик тә кыенга туры килде. Конференциядә алдынгы урынны алучылар грамоталар һәм истәлекле медальләргә лаек булды.