Богдашкинода китапханә фонды яңартыла

2021 елның 16 феврале, сишәмбе

Узган ел Богдашкино авыл китапханәсе үз фондын 190га якын яңа китап һәм 147 вакытлы басма белән тулыландырды.

Бүгенге көндә фонд зурлыгы 4030 экземпляр тәшкил итә. Биредә иң актив китап укучылар – балалар, алар барлык массакүләм чараларда да теләп катнашалар, өстәл уеннары уйныйлар, уку залында яраткан журналларның яңа номерлары белән танышалар. Китапханә мәктәп һәм авыл мәдәният йорты белән тыгыз хезмәттәшлектә эшли.