Нурлатта беренче тапкыр бильярд буенча корпоратив турнир узды
Турнирны Нурлатның өлкәннәр һәм инвалидлар өчен интернат-йорты оештырды, ул социаль учреждение хезмәткәрләре һәм карамагындагылар арасында узды. Шарларны төгәл итеп кертә белүдә 18 уенчы көч сынашты.
Турнир барышын судья Антон Капитонов һәм аның ярдәмчеләре күзәтте. Ярышлар берничә этапта узды: сайлап алу туры, чирекфинал, ярымфинал һәм финал уеннары.
1 урын өчен көрәш котельный операторы Георгий Наумов һәм интернат-йортта яшәүче Анатолий Никитин арасында барды, ул 2 шар аерма белән җиңү яулады. Финал партиясе нәтиҗәләре-6:8. Призлы 3 урын өчен уенда уңыш Ренат Юлдашев ягында иде, ул Олег Васильев белән көч сынашты.
"Бильярд уйнарга әле 5-6 нчы сыйныфта укыган чакта ук өйрәндем. Тимерлек авыл клубында шарлар куган өлкән сыйныф егетләреннән өйрәндем. Аннары 40 ел буена кулыма кий тотканым булмады. Биредә генә, интернат-йортта, уен техникасын искә төшердем", - диде Анатолий Никитин.
Аның сүзләренә караганда, монда бильярдны, вакытны ничек тә озайту максатында гына уйнамыйлар, ә аны файда белән үткәрү, үзләренең гади көнкүрешләрен төрлеләндерү өчен дә файдаланалар. Өстәвенә, бильярд хаклы рәвештә актив ялның иң яхшы вариантларының берсе санала. Учреждениедә күпләр әлеге интеллектуаль спорт төренә тартыла.
"Бу уен шахмат уйнау кебек, ул хәрәкәттә узуы белән генә аерыла. Һәм тагын бер – берсенә охшаш бер генә партия дә юк, шарның хәрәкәт юнәлешен берничек тә алдан белеп булмый", - дип бүлешә турнир чемпионы.
Бильярдтан тыш, ул сканвордлар белән дә мавыга, аларны ай саен йөздән артык күләмдә чишә икән. "Чын горизонталь һәм вертикальләр профессионалы" - диләр аның турында дуслары. Һичшиксез, бу күнекмәләр дә Анатолий Никитинның җиңүендә үз ролен уйнамый калмагандыр.
"Безнең беренче ярышта катнашучыларның барысы да бильярд яратучылар өчен яхшы һәм шактый тигез уен күрсәтте, әмма иң мөһиме - уңай кәеф алды", - дип билгеләп үтте өлкәннәр һәм инвалидлар интернат-йорты директоры Евгений Савинов. Ул корпоратив турнир социаль учреждениенең тагын бер күркәм традициясенә әверелер дигән ышаныч белдерде, шулай ук җиңүчегә һәм призерларга истәлекле бүләкләр тапшырды.