Нурлат китапханәчеләре тәмәке тартучыларга бер тәүлеккә зарарлы гадәттән баш тартырга тәкъдим иттеләр

2020 елның 19 ноябре, пәнҗешәмбе

Бүген ноябрьнең өченче пәнҗешәмбесе, календарьда Халыкара тәмәке тартудан баш тарту көне буларак билгеләп үтелә.

 Нурлат үзәк китапханәсенең  хезмәткәрләре шәһәр урамнарында символик акция оештырдылар .

Алар  нурлатлыларга мәгълүмати буклетлар һәм плакатлар тараттылар. Тәүлеккә зарарлы гадәтләрдән баш тартырга һәм аның сәламәтлеккә ничек зыян салуы турында уйланырга тәкъдим иттеләр.