Илдус Диндаров: бер канатым-чәчмә әсәрләр, икенчесе-шигърият

2020 елның 8 ноябре, якшәмбе

Илдус Диндаров-Татарстанның атказанган мәдәният хезмәткәре, 2017 елда «Фидакарь хезмәт өчен» медале белән бүләкләнгән. Татарстан Журналистлар берлегенең «Бәллүр каләм» бүләге иясе, Татарстан Язучылар берлеге әгъзасы, Нурлат шәһәренең Мактаулы гражданины, дистәдән артык китап авторы.

Бер үк вакытта язучы, шагыйрь, журналист Илдус Диндаровның ике китабы дөнья күрде. Әгәр «Торна күзе» җыентыгына авторның соңгы елларда иҗат ителгән прозаик әсәрләре тупланса, «Кояшлы көннәрем, айлы төннәрем» – лирик һәм юмористик шигырьләре кергән.