Нурлатта Халыклар бердәмлеге көнендә ике яңартылган ишегалды ачылды.

2020 елның 4 ноябре, чәршәмбе

Ишегаллары Татарстан Республикасы Президентының «Безнең ишегалды» масштаблы программасы кысаларында ремонтланды һәм төзекләндерелде.

Бүген бер үк вакытта Нурлат шәһәренең ике ишегалдында ремонт һәм төзекләндерү эшләре тәмамлану уңаеннан бәйрәм чаралары узды.

Быел 2-3 ай эчендә Карл Маркс, Гагарин, Совет, Кооператив һәм Мәктәп урамнарының берничә йорты Берләшкән ишегаллары танымаслык булып үзгәргән.