Район газетасы дөнья буйлап сәяхәткә китте

2020 елның 21 сентябре, дүшәмбе

Нурлат районы һәм шәһәре кешеләре ерак сәяхәткә киткәндә үзләре белән юлдаш итеп "Дуслык" район газетасын алу йоласы бар. 

Соңгы елларда газета күп илләрдә булды. Бу көннәрдә районка Америка буйлап сәяхәт итә. Һәм беренче тапкыр гына түгел. Нурлатлы Венера Мингалиева улының гаиләсе яшәүче АКШка барган саен Нурлат бер өлешен үзе белән алып бара. "Район яңалыкларын улым һәм киленем яратып укыйлар", - дип уртаклаштры ул.