“Нурлатнефть” Кыш Бабабй призларына ярышлар уздырды
Идарә начальнигы, ТР Дәүләт Советы депутаты Илгиз Салихов инициативасы буенча узучы бу чара күптән традициягә керде инде һәм быел да нефтьчеләрнең актив катнашында узды. Быел спорт сөючеләр, шашка-шахмат, бильярд, волейбол, мини-футболда үз көчләрен сыный алдылар. Иң беренче көнне шашка-шахмат һәм бильярд ярышлары үтте. Шашка буенча I урынны “Нурлатнефть” НГДУсы рәссамы Олег Павлов яулады. Шахматта исә районда да танылган оста – 3нче ЦДНГ хезмәткәре Михаил Безруковка тиңнәр табылмады. Бильярдта ЦК ППНнан Алексей Абрамов иң остасы булды. НГДУ җитәкчелеге тәкъдиме буенча волейбол һәм мини-футбол ярышларына икенче ел инде шәһәрнең башка предпряитиеләрен дә чакырып киләләр. Быел да мәйданга сервис компанияләре, Нурлаттагы башка-оешма предприятие спортчылары да чыкты. Волейболда беренче урынна “Буровик” командасы алды, мини-футболда “Татнефть-Энергосервис” егетләре җиңүче булдылар. Җиңүчеләр һәм призерларга “Нурлатнефть” НГДУсы җитәкчелеге акчалата призлар әзерләгән иде.