1 февральдән беренче сыйныфка язылу башланды

2020 елның 2 феврале, якшәмбе

  Агымдагы елда процедура башка елларга караганда бераз үзгәрде. Бу хакта район башкарма комитетының мәгариф бүлеге начальнигы Чәчәк Газизова хәбәр итте.

Гаризалар 1 февральдән 30 июньгә кадәр укучылар мәктәпкә теркәлү урыны буенча кабул ителә. 1 июльдән 5 сентябрьгә кадәр ата-аналар балаларын беркетелмәгән территориядә урнашкан мәктәпкә бирә алалар.  Язылу электрон рәвештә башкарыла, әмма соңыннан мәктәпкә тиешле документларны тапшыру зарур.
Тагын бер нечкәлек: Федераль закон нигезендә хәзер бер үк гаиләдә тәрбияләнүче һәм бер үк урында яшәүче балалар бер үк мәктәптә белем ала алалар. Бу балалар бакчасына да кагыла.