Нурлат районының авыл җирлекләрендә традицион гражданнар җыеннары башланды

2020 елның 16 гыйнвары, пәнҗешәмбе

Беренче җыеннар кичә Әхмәт, Бикүле авыл җирлекләрендә узды. Аларда район башлыгы Алмаз Әхмәтшин, тормыш иминлеген тәэмин итүче службалар җитәкчеләре катнашты. Авыл җирлекләре башлыклары Рияз Садыйков һәм Рәмис Шәйхетдинов 2019 елда эшләнгән эшләргә йомгак ясадылар, алдагы чорга планнарны билгеләделәр. Җыеннарда  Җиңүненең 75 еллыгына әзерлек, Республика Президенты, авыл җирлекләренә депутат сайлаулары хакында да сүз булды.