Нурлатта сайлауларның барышы белән ТР Экология һәм табигый ресурслар министры танышты

2019 елның 8 сентябре, якшәмбе

Нурлатлыларның сайлауларда активлыгын район кураторы, ТР Экология һәм табигый ресурслар министры Александр Шадриков та билгеләп үтте. Район башлыгы Алмаз Әхмәтшин озатуында ул берничә, шул исәптән 2333нче сайлау участогы урнашкан 9нчы мәктәптә дә булды.

– Нурлатлыларның үз киләчәкләренә битараф булмыйча сайлауларда актив катнашулары сөендерә, – диде Александр Шадриков. – Иң мөһиме – алар участокларга яхшы кәеф белән килә. Халык районда барган матур үзгәрешләрдән канәгать һәм иң лаеклылар өчен тавыш бирергә әзер.

Александр Валерьевич билгеләп үткәнчә, ул үзе сайлауларда туган ягы Чүпрәле районында иртәдән катнашкан.