“Ледок“ командасы - беренче урында

2018 елның 8 ноябре, пәнҗешәмбе

Узган атна дәвамында “Ледок“ Балалар – үсмерләр спорт мәктәбендә Идел буе федераль округы беренчелеге кысаларында 2007 елгы үсмерләр арасында хоккей буенча ярышлар узды. Көзге сезон уеннарында 7 команда катнашты. Җиде уенның алтысы да безнең команда файдасына тәмамланды. Финалда “Ледок“ уенчылары “Динамо-Авиатор“ (Казан) хоккейчылары белән очраштылар. Бу юлы уңыш кунакларга елмайды. Шулай да район командасы гомуми команда зачетында 15 очко туплап, пьедесталның югары баскычына күтәрелде.