Халыклар дуслыгы йорты белән 3нче мәктәпнең уртак проекты өлкән буын вәкилләрен җыйды

2018 елның 4 октябре, пәнҗешәмбе

Шикәрчеләр микрорайонының мәдәни үзәге булган Халыклар дуслыгы йортында бүген  бәйрәм халәте хөкем сөрде. Аны хөрмәтле кунаклар – өлкәннәр – өчен мәктәп укучылары һәм Халыклар дуслыгы йорты коллективы тудырды. Өлкәннәр адресына котлаулар бик күп яңгырады. Җирле үзешчән сәнгать вәкилләренең иң яхшы концерт номерлары алар өчен күңелле бүләк булды. Чуваш  милли-мәдәни үзәге оештырган  Юрий Тимофеев эшләреннән күргәзмә дә зур кызыксыну тудырды.