Нурлатта “Актив озын гомер” проекты кысаларында чаралар дәвам итә

2018 елның 13 сентябре, пәнҗешәмбе

“Гармония” халыкка социаль хезмәт күрсәтү үзәге белгечләре бүген шәһәр паркында өлкән яшьтәгеләр өчен бер вакытта берничә чара үткәрделәр. Медицина хезмәткәре өлкәннәр белән “Сәламәт бул!” сулыш алу гимнастикасы оештырды, аннан соң шөгыль  тренажерларда дәвам итте. Үзәк психологлары арт-терапия элементлары белән “Өченче сулыш” дип  аталган күнегүләр үткәрделәр, ә соңыннан барысы бергәләшеп кәгазьдән чәчәкләр ясадылар.