Нурлат районында балык үрчетү буенча кооператив төзеләчәк

2018 елның 30 июле, дүшәмбе

Район башкарма комитеты җитәкчесе Алмаз Әхмәтшин тиздән  фермер Дәүләтҗан Хувайдулаев балык бизнесы ачарга ниятләгән Үрнәк буасын карады.

-          Башлаучыларга һәрчак авыр. Бу әле берәү дә үзләштермәгән юнәлеш. Әле тәҗрибә генә туплап киләбез дип әйтергә ярый, - ди фермер. Эше уңышлы барса, ул биредә форель, тәрәч һәм башка төр балыклар үрчетергә җыена

Район башкарма комитеты җитәкчесе ферма җитәкчесе белән балык хуҗалыгының продуктлылыгын күтәрү турында сөйләште.