Нурлат: тәртип сагы җәмәгать пункты белгечләре тәртип сагында

2018 елның 30 июле, дүшәмбе

Бүген, 30 июльдә Нурлатта тәртип сагы җәмәгать пункты белгечләре шәһәрдә төзекләндерү кагыйдәләренең үтәлешен тикшерү буенча рейд үткәрделәр.

Совет урамы ишегалларының берсендә алар йөк машинасы өчен булдырылган законсыз стоянка барлыгын ачыкладылар. ОПОПның баш белгече Рәшит Гайфетдинов машина хуҗасы белән аңлату әңгәмәсе үткәрде.

•  Күпфатирлы йорт ишегалдында автотехниканы ремонтлаган, бастырып торган өчен административ беркетмә төзелә, аның буенча 2000нән 3500 сумга кадәр штраф каралган, - диде Рәшит Ронисович.