Бүген, 28 июль көнне нурлатлылар борынгы традицияләр буенча корылган матур вакыйганың шаһиты булдылар: яңа өйләнешүчеләр ЗАГСка шәһәрнең үзәк урамы буйлап кулдан ясалган каретада килделәр. Узып баручы машиналар кортежны кыска сигналлар белән сәламләде. Шунысын да билгеләп үтәргә кирәк: барлык юл хәрәкәте кагыйдәләре дә истә тотылды, шуңа да юл хәрәкәтендә катнашучылар яшьләрне елмаеп каршы алды һәм озатып калды.