Нурлатлылар ачык һавада фитнес белән шөгыльләнделәр

Бүген, 13 июль көнне “Мәдәни шәһәр мохиты” проекты кысаларында үзәк паркта “Яшел фитнес” үтте. Аны спорт клубларының берсендә төркемнәрдә тренер булып эшләүче Полина Густова үткәрде. 
-    “Мәдәни шәһәр мохиты” социаль проекты халыкны сәламәт яшәү рәвешенә җәлеп итү һәм җәмәгать киңлекләре – парклар, скверларны популярлаштыруга юнәлтелгән, -  ди мәдәният бүлегенең әйдәп баручы белгече Гүзәл Сәмәрханова. – Бу республиканың нефть төбәге көньяк-көнчыгышы шәһәрләре проекты һәм актив гаилә ялын активлаштыруны күздә тота. 
Проектның дәвамы буларак, 19 июль көнне “Дуслык” скверында 7.30да иртәнге зарядка узачак.