Бу атнада Кама аръягы һәм Нурлат шәһәре тарихы төбәк музеенда “Бүләк итү көннәре” акциясе башланып китте. Быел ул ВЛКСМның алда торган юбилеена багышлана һәм “Комсомол – минем язмышым” темасы буенча үтә. Инде киләсе атнага ук биредә “Музейлар язы-2018” еллык акциясе үтәчәк. Бу көннәрдә музейга килүчеләрне төрле чаралар: тантаналы төстә паспортлар тапшыру, балалар рәсемнәре һәм рәссам Юрий Будяшкинның картиналары күргәзмәләре, “Ленин шимбә өмәсендә” экспозициясе, әдәби-музыкаль салон, “Зирәклек” хатын-кызлар клубы утырышлары һәм башкалар көтә.