Нурлатта компьютерда бәйге буенча республика чемпионатының муниципаль этабы узды
Компьютер күп төрле бәйгесе буенча республика чемпионаты өлкән яшьтәге, яшь буын гражданнары һәм аларның ата-аналары тарафыннан биремнәрне үтәүне күздә тоткан шәхси-команда ярышларыннан гыйбарәт. Ул көндәлек тормышта заманча компьютер технологияләрен үзләштерүне һәм куллануны популярлаштыруга, смартфоннар һәм компьютерлар ярдәмендә дистанцион форматта куллану һәм аралашу күнекмәләрен алуга, гаилә элемтәләрен ныгытуга юнәлдерелгән.
Компьютер грамоталылыгы буенча үз белемнәрен Дмитрий Гнусарев, Илназ Шәмсуваров, Алина Алишева, Александра Кузьмина, Мәрьям Галимова һәм Алина Төхвәтуллина командалары күрсәтте.
Мәрьям Галимованың әтисе Рафаэль Рәвгат улы һәм әбисе Розалия Хәбибулла кызыннан торган гаилә командасы җиңү яулады. Алар 27 апрельдә Казанда узачак компьютер күп төрле бәйгесе буенча чемпионатның республика этабында Нурлат районы данын яклаячак.
Икенче урынга Дмитрий Гнусарев командасы лаек булды, өченче урында – Алина Төхвәтуллина командасы.
Алар барысы да оештыручылардан дипломнар алды, калган катнашучылар рәхмәт хатларына лаек булды.