Нурлат сабан туенда ат чабышларына жокейлар милли киемнәрдә чыкты
Быел Нурлатта ат-спорт ярышларында 5 ат чабышы һәм 40 ка якын юртак һәм җайдаклы атлар катнашындагы 4 узыш булды. Сабантуй кунаклары Социалистик Хезмәт Геройлары Габбас Гыйматдинов, Шәриф Хафизов, Зәки Тимерҗанов, Николай Захаров, Валентин Ефимов, шулай ук Әхтәм Сөләйманов һәм Нурлат районы һәм Нурлат шәһәре башлыгы призына ярышларны кызыксынып күзәтте. Быел беренче тапкыр июль аенда 90 еллыгын билгеләп үтүче “Дуслык” («Дружба», Туслах») район газетасы призына ат чабышы узды.
Җирле токым атлары катнашында узган ат чабышлары җиңүчесе Нурлат районы Башлыгы призына -төп призга – мотоблокка ия булды. Нурлат районы башлыгы Алмаз Әхмәтшин Липтон кушаматлы атның жокее Геннадий Никитинга бүләкне тапшырды.
«Авыл егетләре» дип аталган соңгы-тугызынчы узыш зур кызыксыну уятты, анда җигүле җирле токым атлары катнашты. Биредә районның авыл хуҗалыгы предприятиеләре хезмәткәрләре җайдак булды, алар ярышларда милли киемнәрдә узышты.
Пилот кушаматлы ат җиңде, аның белән «Южная» агрофирмасы хезмәтчәне Иван Аверьяков идарә итте. Икенче урында - Сынок (Илнур Гомәров, «Южная» АФ), өченче урында - Ночька (Николай Иванов, «Южная» АФ).