Нурлат районы хуҗалыкларында татлы тамыр казырга керештеләр

2018 елның 3 сентябре, дүшәмбе

Үткән атна азагында “Сөләйманов Ә.И.” КФХсы басуларында шикәр чөгендере урагына керештеләр. Хуҗалыкта бу эшкә 4 комбайн җәлеп ителгән, бүгенге көнгә  барлыгы  228 гектардан уңыш җыеп алынган. Быел исә биредә  шикәр чөгендере 3240 гектарда үстерелгән.

Татлы тамыр игү белән шөгыльләнүче тагы бер хуҗалык – “Южная” АФсында шикәр чөгендере 2160 гектарда быел, бу көннәрдә биредә дә аның уңышын җыярга чыгарга әзерләнәләр.