Нурлатта милли-мәдәни берләшмәләр вәкилләре мини-футбол буенча турнир үткәрде
Бәйрәмне дәвам итеп шикәрчеләр микрорайоны стадионында Халыклар дуслыгы йорты кубогына мини-футбол буенча турнир үтте. Аның кысаларында районның өч – әрмән, чуваш, азәрбайжан милли-мәдәни берләшмәләре вәкилләре ярышты. Спортчыларны Халыклар дуслыгы йорты директоры Галина Терентьева сәламләде, уенчыларга яхшы һәм кызыклы уен, матур голлар теләде.
– Мондый турнир шәһәребездә беренче тапкыр уза, киләсе елда анда катнашу өчен тагы да күбрәк командаларны җәлеп итәргә уйлыйбыз. Кубок күчмә булачак, турнир нурлатлылар арасында матур традиция булыр дип уйлыйм, – диде Галина Владимировна.
Уен нинди нәтиҗә белән генә тәмамланмасын, иң мөһиме ул түгел, ә Республика көнендә турнирның төрле милләт милләт вәкилләрен берләштерүе. Ул милли диаспораларны яшьләрне сәламәт яшенә активрак җәлеп итәргә, шулай ук башка милләт халыклары белән татулык җепләрен ныгытырга чакырды.