Нурлат районында тыл хезмәтчәненә 90 яшь тулды

2018 елның 20 августы, дүшәмбе

Бүген, 20 август көнне, район башлыгы урынбасары Флюра Ногманова тыл хезмәтчәне Нурлыҗиһан Хәбибулла кызы Әбделвәлиеваны юбилее белән котлады.

Нурлыҗиһан Әбделвәлиева Югары Нурлатта туып үскән, башлангыч мәктәпнең 3 сыйныфын тәмамлаган, 15 яшеннән мәктәптә җыештыручы булып эшли башлаган. 1953нче елдан Нурлатта яши, шикәр заводында сылаучы-буяучы булып эшләгән. Бүгенге көндә ул кече улы гаиләсе белән гомер итә. 4 оныгы бар.