Нурлатның 1нче урта мәктәбе укучылары интернат-йортта яшәүчеләр янына кунакка барды

2024 елның 2 мае, пәнҗешәмбе

Чара «Язгы игелек атнасы» акциясе кысаларында узды.

Интернат-йортта яшәүчеләргә волонтерлар, мәктәп укучылары үзидарәсе активистлары, директор киңәшчесе Ксения Мөхәммәтҗанова һәм педагог-оештыручы Алина Галәмова килде.

Алар картлар һәм инвалидлар өчен хәйрия концерты әзерләгәннәр. Балалар иҗади номерлар әзерләделәр, интернат-йортта яшәүчеләргә открыткалар һәм татлы бүләкләр бүләк иттеләр.