Кычытканлыда елга буе төзекләндерелде

11 июль 2018 ел., чәршәмбе

Узган ел Кычытканлы авылы янәшәсендә Мораса елгасындагы гидротехник корылмага капиталь ремонт эшләре тәмамланды. Татарстанның Экология һәм табигый ресурслар министрлыгы инициативасы белән язгы ташу вакытында аварияләрне булдырмас өчен начар хәлдәге корылманы ремонтлау республика программасы кысаларында тормышка ашырылды. Быел исә аның суы тулып, җирлекнең иң матур табигать почмагына әверелгән. Авылга кунакка кайткан кешеләр анда истәлеккә фотога төшәргә яратса, балыгы тәмле дип Нурлаттан гына түгел, Самара һәм Ульян өлкәләреннән дә балык тотарга килүчеләр бар икән.
– Мораса елгасы 1973нче елларда буылган иде, әмма вакытлар үтү белән плотина җимерелде, торбалары череде, – ди авыл җирлеге башлыгы Җәүдәт Нургалиев. – Эшләрне ТР Экология һәм табигый ресурслар министрлыгы заказы белән Казанның “Татмелиорация” оешмасы башкарды. Торбалары, задвижкалары алыштырылды, ярына вак таш җәелде. Бүген буа җирле эшмәкәрләргә балык үрчетү, ярында ял йорты оештыру өчен бик кулай урын. 
 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования